Gästebuch

Salü Patrick

Ich möchte mich bei dir für deine unendliche Geduld und dein an mich weiter geleitetes fahr vergnügen bedanken.

Deine Fahrstunden haben mir von Anfang an sehr gefallen, ich hoffe du bleibst so wie du bist denn ich werde dich sicherlich weiter empfehlen.

Alles Gute und viel Erfolg!
Beste Grüsse
Fadil

Moin Moin,

Erscht emol Sorry, dassi so lang brucht ha, zum öppis schribe. Du weisch jo wie das bi mer ame esch metem Ziitmanagement😂 - und i be nonig ganz fertig met de Verarbeitig vom Pokalfinale..

Ich hoffe, du hesch mittlerwiile all die Nerve, wod weg mer hesch müesse loh, weder chönne finde. Au ich has nachere lange Ziit endlich gschafft, au wenni ame selber nümm drah glaubt ha. Danke, dass du das emmer gmacht hesch!
Ich han us de Fahrstunde ned nur chönne Sache metneh, wo fürs Fahre wechtig sind. I weiß zum Bispell endlich wo rechts und wo links esch - au wenni, ehrlich gseit, immerno es paar Sekunde bruche🙈 Du besch au de gsi, womer bibrocht het, was de Undersched zwüsche Guet und Okay esch, und dass es in Ordnig esch sech selber zsege, dass mer öppis guet gmacht het. Danke au für das. Dis offnige Ohr für mini Sorge, de Witz ide Gspröch, aber au d'Kritik, det wo sie ahbrocht gsi esch, hend mini Fahrstunde - und i han jo gnueg gha, zum das chönne ischätze😂 - jedes Mol zumne bsundrige Erlebnis gmacht, woni mi emmer druf gfreut han.

Es git no sovell liebi, fründlichi,herzlichi Nettigkeite , woni jetzt no chönnt ahfüege, aber du weisch: so sozial beni au weder ned.

Es esch es komischs Gfühl, kei Fahrstund zha und es macht mi oft au chli trurig😔 au wenni mi freue, ellei fahre zdöffe😊

I wünsch der vo ganzem Herze alles alles Liebi und Gueti uf dim wiitere Lebensweg und dass es emmer schaffsch, din Rucksack zträge! Mach's gut, und vor allem, so wie's der am Beste gfallt!

Herzlichi Grüess vo mer!

PS: Wieso lached Elefante, wenn sie usm Wald usseseckle?😂
- de muesch no wüsse!

Salli Patrick,

Was kann man gross sagen, ausser das du ein super, witziger und sehr sympathische Fahr- und VKULehrer bist!

Es ist immer witzig und locker bei deinen Stunden. Es ist brutal chillig und gleichzeitig auch sehr, sehr Lehrreich. Man kommt sehr gut und schnell voran, wenn man konzentriert und aufmerksam ist. (Nicht so wie ich, du weisst was ich meine 😂).

Ich kann dich wirklich nur weiterempfehlen!!!

Danke dir jetzt schon vielmals!!!

Gruess

Grüezi

Bin ersht jetzt dzue cho ebis zshriebe :)

Hed echt spass gmacht und sie hend au viel geduld.
Mengish ksemmer sie mitem Töff am umefahre.

Jetzt chani au entlech min Töff fahre und hoffentlech kseht mer sich mol bald wieder :)

Gruess.

Liebe Patrick

i glaub kein andere Fahrlehrer wär met mer en Stond vor de Prüefig no uf Brugg zum mi LFA go hole und das sogar ohni z mötzle ;-) Danke vell mol.

Met minere verhühenerete Art hani di mängisch schochli gforderet aber du hesch mi sehr guet chönne nääh und uf mich igoo. Das hani sehr gschätzt.

i ha d Fahrstonde sehr gnosse, well mer bi der emmer metemene Lache usm Auto stigt. Mit dinere sehr kompetente Art chasch du eim dis wösse super wiitervermittle.

I werde eusi Gspröch aso schochli vermisse :-)
Liebe Gruess Laura :-)

Liebe Patrick

Die Woche esch mini Karriere als Lernfahrerin z End gange.
I freu mi waaahnsinnig! :)
De Weg bis zo de Prüefig esch vo zahlriche Erfolg aber au einige Misserfolg prägt gsi ond au wenns en tolli neui Erfahrig gsi esch, beni froh, dassi jetzt ellei of d Stross cha! :):):)
Zo de Fahrstonde:
Ha emmer gfühl gha, dass du d Situation im Griff hesch. Sehr agnehm, wennmer weder mol of de Randstei zue rast ;)
Dini Witz und Sprüch hend d Fahrstonde zumne agnehme Underfange gmacht. Bin aber au froh gsi, dass i de letschte Fahrstond (wo nüt het welle fonktioniere) kei Sproch me cho esch...

Abschlüssend chani säge, dass mer bi der zwar 1,2 Stonde meh het als bi einige andere Fahrlehrer, deför lehrt mers au richtig ond chonnt de dor d Prüefig dore!

Alles Gueti dir und all dene wos no vor sich hend ! :)
Liebs Grüessli
Marina

Nach einigen bequemen Einführungsstunden,
Ist meine Nervosität nach und nach verschwunden.
Patrick hat mir meine Angst vollständig genommen
Und ich fuhr schon nicht mehr so ganz benommen.
Schritt für Schritt habe ich von ihm gelernt
Und vom amateurhaften Fahren entfernt.
Ob vorwärts, seitlich oder rückwärts einparkieren,
Ich liess mich nicht mehr so schnell verwirren.
Innenspiegel, Aussenspiegel, Rückblick und Blinken,
Ich liess mich immer geschmeidiger in den Fahrersitz einsinken.
Rückwärtsfahren, Autobahn und Einspuren,
Es gab immer weniger Korrekturen.
Schliesslich war ich prüfungsreif,
Ich sah am Horizont schon den Lichtstreif.
Die Prüfung wurde majestätisch gemeistert,
Ich war absolut zufrieden und begeistert.
Doch muss ich noch Etwas sagen zu Patricks Person,
Er hat ihn absolut verdient, diesen verbalen Lohn!
Ob als Mensch oder Fahrlehrer ist er richtig genial,
Die Fahrstunden enden niemals fatal.
Er gibt einem genügend Sicherheit
Und man ist niemals einer Gefahr geweiht.
So konzentriert und seriös Patrick auch ist,
Manchmal erzählt er auch richtigen Mist!
Er reisst gerne Mal einen derben Spruch,
Da ginge manch weiches Herz sofort in Bruch.
Er nimmt definitiv kein Blatt vor den Mund,
Da wird es lustig und die Fahrt kunterbunt!
Er ist nicht der Typ für einen langweiligen Monolog,
Mit ihm wird es zum spannenden Dialog.
Schlussendlich kann ich nur noch sagen,
Da müsst ihr mich nicht zweimal fragen,
Ich würde sofort wieder zu Patrick gehen,
Denn nach seinen Fahrstunden bleibst du nicht stehen.
Du lernst alles seriös und korrekt,
Für meinen Geschmack war alles perfekt!
Kleiner Schmedi alles Gute für die Zukunft,
Lieben Gruss vom Grossen mit viel Vernunft ;)

Danke velmol foer dini gedold 0hni dech wärs glaub ned gange.
ben ned der mann vell worte aber du besch en
empfaelig waert!!!!!!Danke!!!!!!!!!!!!

Heii Patrick

So- wie versproche mis Iträgli :)
E be grad so happy, hani die Autoprüefig bestande!!
E ha die Zit bi der ide Fahrschuel sehr gnosse, vor allem dini Kombination us Humor ond Lehre. Du heschs jo scho oft ghört, aber e schribes jetzt glich no einisch, wels eifach stemmt:
Met dinere humorvolle, meeega gedoldige ond kompetänte Art chasch du dini Schüeler gekonnt ufmontere ond us sämtleche Hoffnigslosigkeite ond Tüfs usezieh- so wie au me emmer weder.

Be der mega dankbar för die lehrrichi, abwächsligsrichi, herusforderigsrichi ond loschtigi Zit ide Fahrschuel!

Alles Gueti witerhin bem Fahre.

Liebi Grüessli
Sabina

Ich kann Patrick als Fahrlehrer nur weiterempfehlen! Mit seiner lockeren Art gelingt es ihm sehr gut den Schüler zu erreichen, seine Kompetenz und Erfahrung ist unumstritten und seine Engelsgeduld bemerkenswert. Ich konnte von seinen Fahrstunden ungemein profitieren und habe die Prüfung beim ersten Mal bestanden. Neben hilfreichen Tipps und Tricks bleiben mir auch viele gute und lustige Gespräche in Erinnerung.

Danke viel mol Patrick, für en super Ziit bi der i de Fahrschuel und hoffentlich bis bald emol...

Ganz liebi Grüess
Larissa