Gästebuch

hey patrick!

riese grosses komplimänt för di vku-kors! du machsch da eifach super!jede obe esch mega spannend gsi ond i ha so vöu neui sache glehrt.danke danke danke! :)

lg, nadine

Hoi Zämme

Ich han ja min erst Fahrlehrer nach 10h gwechslet und ich beräus
öberhaupt net ,well das Wälte gsi send zwöschem Schmidi und em andere. T Fahrstunde send sehr kompetent und sehr unterhaltsam gsi. Er loht eim au wörkli ersch at prüefig wenn er sich sicher isch, dass mers schafft.

Ich chan also dä Schmidi nur witer empfehle denn be ihm schaffet das au setigi Lüt ,we ich, wo net so talentiert sind zum Autofahre:)

Danke nomol för die super Stunde ohni dich hätti Prüefig net gschafft.

Unfallfreie Zit ;)Lg Ramona

Liebi Läser :)

De Patrick esch en geniale Fahrlehrer OND VKU-Leiter. Im folgende en chorzi Begröndig wieso ich ehn möcht wieterempfäle.

Fahrstonde: send interessant ond lehrriech, guet strukturiert. D Fahrstonde zeichnet sech au us dor die aschauleche ond verständleche Erklärige.
--> Lernerfolg garnantiert. Ond was s Schöne esch, de Humor chond eidütig nie z chorz! :)

Falls ehr euch för d Fahrschule Schmid Patrick entscheide chönd ehr euch ofene gedoldige, motivierende, ufgstellte, pönktleche ond vor allem au sehr mönschleche Fahrlehrer freue. Zemli secher trefft ned alles of die am Afang bestemmt verchrampfte Eltere zue! ;)

VKU: vellchet fanged ehr jo ned grad met 18i a ond losed zersch mol was eue Fröndeskreis öbers Autofahre z verzelle hed.
Noch dem was ich alles öbere VKU ghört gha han, hätt ich niemols dänkt, dass ich noch de erschte 2 Stond wörd säge, "hammer xi, ich freu mech ofdi nexte 2 Stond!" Aber so esches xi.
Mer goht ned eifach s Lehrmettel siete för Siete dore ond kämpft gäge s Ischlofe. Vergässed das, de Patrick macht de Kurs brilliant ond ächt spannend. Erläbte Situatione als Biespel träged bestemmt au no do dezue bi.


CONCLUSION:

--> absolutely recommendable
--> Patrick, you're doing an excellent job!

Sooo Patrick jetzt geltets ärnst :)
nei spass ... ich chan jo do gar ned vel meh säge als NOTE 6 well es esch eifach alles tiptop gsi be der e de Fahrstonde ... ossert dass du emmer rächt gha hesch het mech scho chli möge ;D

Also för alli wo do jetzt am studiere send zo welem Fahrlehrer si sölle ... ich chan do nor eis säge --> gönd zom Schmid, das esch de Bescht :)
Ich sälber han jetzt mini Prüefig hender mech brocht ond bem erste Mol bestande ond das dank der, Schmidi :) Danke gä !

Machsch so wiiiter ond bliib wied besch! lg sabrina :)

Hallo Patrick
Voller Begeisterig hät d'Rosi vo Euärä Wonig, vo Dim Theorielokal und vo dä Hompage verzellt. Natürli han i sofort müäsä dä PC awörfä und Din Itrag suächä. I find, Dini Hompage hammermässig und ä ganz ä glungeni Sach! Du und Din Web-Master händ superguet gschaffäd. D'Sitä gfalläd mir.
I wünsch Dir witerhin viel Erfolg mit dä Fahrschuäl.
Vieli Grüäss vom Bodäsee und uf wiedersäh
Hans-Jörg

Fahrschule Schmid esch de beschte wos je hets gits!!

SAVE THE WHALES;)

sali zäme
so jetzt han ig min fühererschien för de grossi töff. Ig ha bim patrick fahrstonde gno ond er isch bi mer als sozius mitgfahre und het mer zeigt wie ig mi im strosseverkehr rechtig mi verhalte, so dass ig kei problem ha, wenn ig prüefig mache werde. Ig ha mit de acht uf schmale strosse scho mini problem gha und er het mit mer scho vöu gedold bim üebe vo de acht brucht. Ig ha scho wöue de prüefigstermin verschiebe, aber de patrick het mer muet gmacht, dass es scho klappe werd. Und es het de au bim erste mol klappet. so jetzt daf ig au met em töff is ossland und bi de scho gli i de schwarzwald go korve fahre, macht doch töff fahre spass. Nomol patrick beste dank für dini rotschläg und gedold, fahrstonde send härt gsi aber es het sech sehr glohnt.
Bikergruss
Peter

hooiii...
ha der nor nomol welle danke för die super loschtige fahrschtonde ond dini onändlech gedold! hehe... i be jo ned grad n äifache fall xii =)
i het aso ächt ned dänkt, das i mol so sälbschtverschtändlech eläigge autofahre, wieni da etze mache. drom danke, dass d mech so guet of d prüefig ond of s fahre nachhär vorberäitet hesch... ond danke natürlech au för die vele läbenswäishäite ond erlüchtige während m fahre =)
glg, fränzi

Hoi Patrick
Ich han dini Fahrstonde sehr cool gfonde und emmer weder uf s neue öbis neus chönne lehre.
Dini Vorbereitig uf d Prüefig esch sehr guet gsie !
Han der no welle dänke för dini Müehe und das knortz wo du met mer hesch gha .
Ich chan euch allne de Partick als Fahrlehre empfehle.
I fahre jetzte au secher und guet vorbereitet uf der Stross ome.
S neue Auto de Seat Ibiza esch es sehr guets Auto för zom afange z Fahre .
Liebi Grüess D Marianne

hey tschau pädu..

de grondkors esch mega lehrrich ( mini cooli Jagge ^^) gsie! het au voll spass gmacht.. brengsch es huere guet öbere! aso alli wo no kei fahrlehrer händ --> hier PATRICK SCHMID :)

freu mi denn scho ofe VKU

mer gseht sech..

tschooou